Popular Bible Verses from APOCALIPSIS 12

Share

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

Auki ñonkoi tosibixh au napes, nantɨ sane: “Axti naki Tupax oemo ane maximiakatax uiti ɨmo axɨbama ikokoromati. Ityusiankatati nɨriakaxti, tyonenti naki kunauntaña yarusɨrɨx yɨriabux. Aɨtoxti yɨriabux ɨmo namanaiña axɨbama aboma iku axɨna kɨx. Axti maniki chobores tɨpenekoti auki napes, tyopiki au sapes au tobixh, chuxiampɨ nuraxti sukarɨti Tupax kɨtɨpɨ axɨbama usarukityaiki.

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

¡Aupukɨnu, napeka, axañointyo axɨbama akamanu po'oso año! ¡Autakisɨrɨkatai axɨbama po'osoma iku kɨx takanaintyo axɨbama abe au narubaityu tux, tyopiki axti chobores ui axɨna tɨtusiu ɨmoti ta tɨmɨmanantai naneneka ɨmoti, sɨrotitɨ tanu akɨ aubesa aɨbu nityɨborixhti!”

Auki ane yarusɨrɨx baikixh au napes: axti Miguel chepema axɨmanuma nesaxti ángeles baiyoma aɨbu axɨmanu yarusɨrɨx noixhobox. Axɨmanu noixhobox aɨbuma axɨbama nesax ángeles baiyoma

Auki axɨmanu noixhobox taruku nityɨborixh ɨmo axɨmanu paɨx, auki sɨrotɨ ɨmo baikixh aɨbu makiataka axɨbama aɨbosixh, axɨbama ikokotama yakɨpukuxti Tupax iñatama nuxia nauki uraboimia nuraxti Jesús.

Auki tusiu au napes axɨmanu tarukapae nityabaikixh: taman paɨx kiñoeno ui sux takana ui naibixh, aɨbu panx ñokiana nipopes ane nityarusɨx doce nostoñeka itya. Axɨmanu paɨx ane kɨtɨpɨ nipiaɨmakax, tyosibiaka ui noxoko nipiaɨmakax, takisɨrɨ tyopiki tixhanx ane meku.

Axɨmanu paɨx ane meku nipiaɨmakax ñaɨmanti, axti naki yɨriabuxti ñana ɨmo nanaiña kɨx aɨbu nibiaxtonxti yerux. Axti maniki simia kaɨburuti pɨnanaki nipiakɨtoti sɨromatɨ aɨbuti esati Tupax esaityo axɨmanu nityɨmoxti. Auki axɨmanu paɨx besɨburu kauta axɨna champɨti po'oso, akamanu axti Tupax koñokono uiti kauta asapanema ñome axɨmanio mil doscientos sesenta naneneka.

Auki tusiuityo iku napes kiatax numukianx taruku niyarusɨrɨkɨx: kuatɨ axɨmanu yarusɨrɨx noixhobox kɨturiki abe siete nityanux, diez nityapakɨx anentyo nityanux itya. Ipusanakanio iku kɨx trex kɨmuintya pɨrɨkɨ axɨmanio nostoñeka auki napes ui niyox. Axɨmanu numukianx tochenko esa axɨmanu paɨx tɨniyɨkɨx ane meku, nauki arati ipiaɨmakax axtɨ tɨtanati iku kɨx.

Tapɨ axɨmanu paɨx botoxio ɨmo tox posɨrɨmanaka nipia nutamonxixh, nauki aso aɨrotɨ kauta ananka kauta champɨ sɨborikixh, iche pɨnanaki axɨmanu noixhobox, kauta asaramatɨ tyaku ñome trex naskɨbeka kɨmuintya pɨrɨkɨ. Axɨmanu noixhobox iyarapata tux aiki, nauki uxiane nusɨrux nauki apeo axɨmanu paɨx. Tapɨ axɨna kɨx asaratɨ tyaku axɨmanu paɨx, tyopiki iyaɨbuta narux sane piunkunu uixh axɨmanu nusɨrux osɨro aiki axɨmanu noixhobox.