Popular Bible Verses from FILIPENSES 4

Share

Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.

Sane ixhimiakatati Tupax nomɨnantɨ aboi, tyone axɨna taruku niyarusɨrɨkɨx pɨnanaki ñapanaunkuxɨma mañoñɨnka. Axɨmanu nipukɨruxti asaratɨ tyaku nabausasɨ tyakuityo napapanaunku ui noñemaxti Cristo Jesús.

Au nityakɨrux masarukityaiki, apiña napakionko ɨmo nanaiña axɨna ñemanauntu, nanaiña axɨna ane manaunkux ɨmo, nanaiña axɨna besɨro, nanaiña axɨna champɨ nomɨnantɨ kɨtɨpɨ, nanaiña axɨna uiche upukɨnunkatai, nanaiña axɨna uxia ɨmo namanaiña. Apiña napakionko yokɨtɨpɨ nanaiñantai mapanaunkuka, nanaiña axɨna koñotɨ uxia nuraxɨma kɨtɨpɨ.

Ui noñemaxti Cristo aruku nuxia iñemo nauki yɨro kutakikibo nanaiñantai.

¡Taikiana aupukɨnu nausɨboriki aɨbuti Cristo! Tɨsukanañɨ aume, ta sukanañɨ tatityo: ¡Taikiana aupukɨnu nausɨboriki aɨbuti Cristo!

Sane naukiche axti naki Tupax iñemo, toxio ñana uiti aume nanaiña axɨna champɨ aboi, takana axɨna niyarusɨrɨkɨ nenaxixhti abe uiti Cristo Jesús.

Apisamuse nanaiña axɨmanio nixhanunekasa aume. Apisamuse nanaiña axɨmanu isamute ausukarɨ axɨmanuintyo amonkoi nisura. Sane anati Tupax auchepe, naki uiche uxia nusaka.

Tari namanaiña asuputarama año takana axɨbama taruku nipukɨruxɨma. Axti Yɨriabux ta anati saimia.

Tusiu iñemo kausane nisɨborikixhimia axɨbama takisɨrɨma, takanaintyo nisɨborikixhimia axɨbama taruku nenaxixhimia. Ipiakaityo yasuriu nisɨboriki axtɨ ane xhutuburiuñɨ takanaintyo axtɨ champɨ. Axtɨ ane aruki nanaiñantai xhutuburiboñɨ isiuityo axtɨ champɨ.

Sukanañɨ sane chityopikipɨ tarukupɨpae axɨba nixhantɨmo, tyopiki aukiapae ipukɨnunka aɨbu axɨna ane sobi.