1
EFESIOS 6:12
Manityanati Tupax
Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.
Compare
Explore EFESIOS 6:12
2
EFESIOS 6:18
Tapɨ tochenko nameanka. Apanki pɨnanakiti Tupax asamuti nuxia, apisamuse ui noñemaxti Espíritu Santo. Amasankatɨ nuxia, tapɨ apiñokota axɨna abaka aɨbu. Axtɨ ameanka apanki tyakuma namanaiña axɨbama ikokoromati Tupax.
Explore EFESIOS 6:18
3
EFESIOS 6:11
Amokɨma nuxia autakuapatoe apiña aukɨtɨpɨ axɨmanu okɨmanabo toxio aume uiti Tupax, sane chautapenekapɨ au niñakokotoxti chobores.
Explore EFESIOS 6:11
4
EFESIOS 6:13
Sane naukiche, apasusiu axɨmanu okɨmanabo autaku toxio aume uiti Tupax, nauki amokɨma autakuapatoe au axɨmanu nanenes ñana chuxiampɨ. Axtɨ iñatai tyakɨru napaiki sɨsio año aɨbu narukux aume.
Explore EFESIOS 6:13
5
EFESIOS 6:16-17
Ui axɨmanu apikokokati Tupax tari tyone okɨmanabo autaku pɨnanaki nipiayutuxti chobores. Axɨna maximiakatax tari tyone axɨna okɨmanabo tyaku nautanu, tari axɨna nuraxti Tupax tyone axɨna sɨrɨmanax naukɨse axɨna toxio aume uiti Espíritu Santo.
Explore EFESIOS 6:16-17
6
EFESIOS 6:14-15
¡Amasasatɨ nuxia! Tari axɨna ñemanauntu chepe axɨna besɨro ñapanaunkuxti Tupax ameno aukɨtɨpɨ nauki amokɨma autaku. Aukobori aɨbu nauxianka aburaboi axɨba omixhia manityakax uiche uxia aboi aumeampatoe.
Explore EFESIOS 6:14-15
7
EFESIOS 6:10
Au nityakɨrux masarukityaiki, apapache aukusɨubu kɨtɨpɨti Yɨriabux Jesús axɨna nikusɨuxti champɨti iñanɨ kɨmenu.
Explore EFESIOS 6:10
8
EFESIOS 6:2-3
Axɨmanu kusɨrɨbo bakɨpukux anentyo uɨbo axɨmanu ɨriotɨ tyone axɨna sane: “Tari anaunuti obi aɨma chepe napakɨma, nauki taruku napukɨnunku naukityo abaityux nasɨboriki iku axɨna kɨx.”
Explore EFESIOS 6:2-3
9
EFESIOS 6:1
Masiomanka, apakokonau ɨmoma axɨbama aubaɨtaiki tyopiki sane nixhankaxti Yɨriabux, tyone axɨna uxia.
Explore EFESIOS 6:1
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos