Popular Bible Verses from 2 CORINTIOS 4

Share

Tyopiki chubasakapɨtɨ ɨmo axɨna tusiu, ta basakatɨ ɨmo axɨna chɨtusiupɨ. Tyopiki axɨba butusiu kontoatae champɨ nanenekiche, tapɨ axɨba chɨbutusiupɨ champɨ niyutakɨrux.

Sane naukiche tapɨ ɨnantɨ oemo. Axtɨ auki tyɨrɨpo tusiu nuyarusɨrɨkɨ, tapɨ au nuyausasɨ naneneka yaɨx oñɨ tato. Axɨna nutakisɨrɨkɨ iku axɨna kɨx chɨsɨsiopɨ ñana, konto sɨrotɨ. Ityobo kuatɨ uixh oemo yarusɨrɨx upukɨnunkubu axɨna champɨ nityakɨrux.

Sane, champɨ nɨmoche axtɨ sɨrɨmana axɨba chomixhampɨ, chubasiapɨ aɨbu. Sɨrɨmanatai chɨrɨri abe uyaxɨpeku, tapɨ usucheka oboi. Axtɨ matanekaka ñɨnanama, chusakapɨ manauntaka, axtɨ utaɨbɨka akɨ, ta chokonkapɨ uimia.

Axɨna basarux auki napes ane okɨtɨpɨ, ane takana au siukux uxiante ui taux, nauki atusianka axɨmanu yarusɨrɨx nɨriakax ta kuatɨ esakiti Tupax chɨkuapɨtɨ okɨtɨpɨki.

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.