Popular Bible Verses from 1 SAN PEDRO 4

Share

Tari taruku naukuasɨrɨkɨ aumeampatoe, tyopiki axɨna makumananaunkux ane maximiakatax uixh ñome axɨba nomɨnantɨ.

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.

Axtɨ anati naki manityanati, tari anityati takana nuraxti Tupax. Axtɨ anati naki ane yachɨkoiti ɨmoti kiatax, tari aisamunenti aɨbu nanaiña nikusɨuxti axɨna toxio ɨmoti uiti Tupax. Nanaiña axɨna apisamute, apisamuse nauki achampienkama ɨmoti Tupax tyopikiti Jesucristo, naki esache axɨmanu yarusɨrɨx nɨriakax axɨna champɨ nityakɨrux ñana. Amén.

Axtɨ takisɨrɨti tyopiki ikokoroti Jesús, tapɨ kɨsoboti tari ñachampienkanati ɨmoti Tupax tyopiki axɨmanu.

Tɨsaimia nityakɨrux nanaiña axɨna sane. Sane naukiche besɨro nausɨboriki apiña nuxia nameanka.

Masarukityaiki, tapɨ aukɨtobɨka axtɨ ane makokotox aume, takana axtɨ champɨ tamastai. Axtɨ sane, tari taruku naupukɨnunku, tyopiki autakisɨrɨka chepeti Cristo, nauki aupukɨnunkaityo axtɨ tɨkuatati tato aɨbu yarusɨrɨx nɨriakaxti.

Apasusiusaño aumeampatoe au naupo, tapɨ chuxiampatai nabura kɨtɨpɨ makiataka.

Sane naukiche axɨbama takisɨrɨma tyopiki sane nixhankaxti Tupax, tari aiñama nausɨpɨxɨma mekuti Tupax naki isamukuche, tyopiki isamutenti nanaiña axɨna ɨriotɨ uiti.

Sane, takanati Cristo takisɨrɨti au nikɨtɨpɨxti, apisamusentyo sane isiukiti. Axti naki takisɨrɨti au nikɨtɨpɨxti onkono uiti axɨna nomɨnantɨ, nauki aisamunenti nisɨborikixhti isiuki noñemaxti Tupax tapɨ isamutenti isiuki axɨna nixhantɨmo nikɨtɨpɨxti.

Tari taruku naupukɨnunku, axtɨ anati naki unuti año tyopikiti Cristo, tyopiki nesaxti Espíritu Tupax taikiana ane auchepe.