Popular Bible Verses from Chim-giân 3

Share

Tio̍h choan-sim óa-khò Siōng Chú; m̄-thang óa-khò ka-kī ê chhong-bêng. Tī lí it-chhè ê só͘-chòe lóng tio̍h chun-tiōng I, I ōe chí-tiám lí ê lō͘.

M̄-thang khòaⁿ ka-kī chòe ū tì-hūi; tio̍h kèng-ùi Siōng Chú, lī-khui pháiⁿ-sū.

Tio̍h ēng lí ê châi-bu̍t kap it-chhè thâu-chúi ê thó͘-sán hiàn hō͘ Siōng Chú. Lí ê chhek-chhng chiū ōe móa-móa, chiú-khut ū sin-chiú móa--chhut-lâi.

M̄-thang hō͘ chû-ài kap chin-si̍t lī-khui lí; tio̍h pa̍k tī lí ê ām-kún, khek-tiâu tī lí ê sim-lāi.

Góa ê kiáⁿ ah, m̄-thang khòaⁿ-khin Siōng Chú ê koán-kàu, mā m̄-thang iàm-ò͘ⁿ I ê chek-pī. In-ūi Siōng Chú chek-pī I só͘ thiàⁿ ê lâng, chhin-chhiūⁿ lāu-pē chek-pī i só͘ ì-ài ê kiáⁿ.

Góa ê kiáⁿ ah, m̄-thang bōe-kì-tit góa ê kà-sī; lí ê sim tio̍h chhî-siú góa ê bēng-lēng; án-ni, lí ōe tn̂g-hè-siū hó kè-ji̍t, hióng-siū pêng-an hoân-êng.

Tit-tio̍h tì-hūi ê lâng chin ū hok-khì, i ū tit-tio̍h chhong-bêng. Tit-tio̍h tì-hūi pí tit-tio̍h gûn khah ū lī-ek, pí tùi kim tit--tio̍h ê lī-sûn khah koân. Tì-hūi pí âng-pó-chio̍h khah kùi-khì; lâng só͘ ì-ài--ê bô chi̍t hāng ōe-tàng kap i pí.

Lí nā ū khùi-la̍t chòe hó, m̄-thang kū-choa̍t; tio̍h pang-chān su-iàu pang-chān ê lâng.

Siōng Chú ēng tì-hūi kiàn-li̍p tōe, ēng chhong-bêng an-tì thiⁿ.