Popular Bible Verses from Chim-giân 16

Share

Chiong lí ê só͘-chòe kau-thok Siōng Chú, lí ê kè-ōe chiū ōe sêng-kong.

Lâng kè-ōe ka-kī ê tō-lō͘; Siōng Chú ín-chhōa i ê kha-pō͘.

Chhin-chhiat ê ōe chhin-chhiūⁿ bi̍t, hō͘ sim hoaⁿ-hí, hō͘ kut ióng-kiāⁿ.

Lâng teh kè-ōe, Siōng Chú teh koat-tēng.

Jím-nāi iâⁿ-kè ui-le̍k; gâu khòng-chè ka-kī khah iâⁿ cheng-ho̍k kui-chō siâⁿ.

Ū kiau-ngō͘ chiū ū sit-pāi; ū chū-ko chiū ū poa̍h-tó.

Lâng khòaⁿ ka-kī ê só͘-chòe chòe tio̍h, m̄-kú Siōng Chú sím-cha lâng ê tōng-ki.

Thiaⁿ-thàn tō-lí, ōe tit-tio̍h lī-ek; óa-khò Siōng Chú, chin ū hok-khì.

Thàn-chîⁿ chió, ū kong-tō, khah iâⁿ thàn-chîⁿ chōe bô kong-tō.

Ū chi̍t tiâu lō͘ khòaⁿ--khí-lâi chiàⁿ koh ti̍t, kàu-bé thàng kàu sí-bông.

Oai-khiok sī-hui ê lâng sì-kòe chè-chō hun-cheng; gâu o̍h-ōe ê lâng hō͘ chhin-bi̍t ê pêng-iú pìⁿ-bīn.