Popular Bible Verses from Chim-giân 11

Share

Ài si-sià--ê, jú hong-sēng; pang-chān lâng--ê, tit-tio̍h pang-chān.

Lâng ná si-sià chiū ná hó-gia̍h; lâng ná tàng-sng chiū ná sàn-chhiah.

Ū kiau-ngō͘ chiū ū kiàn-siàu; ū khiam-pi chiū ū tì-hūi.

Bô hó ê léng-tō, kok-ka chiū soe-pāi; kò͘-būn chōe, jîn-bîn chiū an-ún.

Gī-lâng kiat ê ké-chí sī sìⁿ-miā; kiông-pō ê lâng chân-hāi sìⁿ-miā.

Sì-kòe kóng lâng sī-hui--ê, ōe lāu-sia̍p lâng ê pì-bi̍t; sêng-si̍t khó-khò ê lâng khǹg-ba̍t tāi-chì.

Jîn-chû ê lâng ka-kī tit-tio̍h lī-ek; chân-jím ê lâng ka-kī siū siong-hāi.

Óa-khò ka-kī ê chîⁿ-châi, ōe poa̍h-tó sit-pāi; gī-lâng ōe heng-ōng chhin-chhiūⁿ chhiⁿ-chhùi ê chhiū-hio̍h.

Siōng Chú tōa siū-khì ê ji̍t, chîⁿ-châi bô lō͘-ēng, chí-ū kong-gī ōe kiù lâng thoat-lī sí-bông.

Chèng-ti̍t ê lâng ū sêng-si̍t teh ín-chhōa; khúi-khiat ê lâng in-ūi kan-chà tì-kàu húi-bia̍t.

Hū-jîn-lâng súi nā bô bêng-lí, chhin-chhiūⁿ kim-khoân kòa tī ti ê phīⁿ.

Khi-phiàn ê thian-phêng, Siōng Chú iàm-ò͘ⁿ; kong-pêng ê chhìn-thûi, I só͘ ì-ài.