Popular Bible Verses from Thoân-tō-su 5

Share

Tī Siōng-tè bīn-chêng lí m̄-thang sûi-piān kóng-ōe, mā m̄-thang kip beh kóng; in-ūi Siōng-tè tī thiⁿ lí tī tōe, só͘-í lí ê ōe tio̍h chió.

Siōng-tè nā hō͘ lâng ū châi-hù, sán-gia̍p, thang khoài-lo̍k hióng-siū i lô-lo̍k tit--tio̍h ê hūn-gia̍h, che sī Siōng-tè ê un-sù.

Ài chîⁿ--ê bōe in-ūi chîⁿ ti-chiok; ài hó-gia̍h--ê bōe in-ūi só͘ thàn--ê ti-chiok. Che mā-sī khang-hu.

Lí nā khì Siōng-tè ê tiān, kha-pō͘ tio̍h kín-sīn; chìn-chêng lâi thiaⁿ pí gōng-lâng hiàn-chè khah hó, in-ūi in kan-ta ōe-hiáu chòe pháiⁿ.

Lí tùi Siōng-tè hē-goān, tio̍h kín siā-goān; in-ūi I bô ài gû-gōng ê lâng; lí hē ê goān tio̍h siā.

Hē-goān bô siā, lêng-khó bô hē.

Lô-kang bô-lūn chia̍h-chōe chia̍h-chió lóng hó-khùn; hó-gia̍h-lâng chia̍h kah pá-pá mā khùn bōe khì.

I thǹg-theh chhut bú-thai, mā ōe thǹg-theh tò--khì; i lô-lo̍k tit--tio̍h-ê, chi̍t hāng mā bōe-tàng tòa--khì.