Popular Bible Verses from Matiyu 5

Share

Sik taw nu nasulsul at salung, di nansuklub bugyas. Nanfatsa tuwa at fagfatungkudan, laman dumamlag fagayu taw sanya fag basad bale. Ay ugali katai sik salung nu gdamlag sas fagayu taw. Ay at ngay taw nu lumag te, masine ay ugali, sumeg ay Tama sas banwa.”

“Am wan takata sik salung ste swa daga. Ka fag salung kalag tuwa kata sik fulan daul sis tungud bugsul ay wa masuksuk.

Nu gfaning tuwam fiya fiya sas Diyus, useganani tuwa, teway lumag tuwa ban am ay Diyus.

Nu e fasadanan tuwam nanfagurungan Diyus fakaumsigun, useganani tuwa, teway Diyus tumarabang ayu laman gfafagurungan tuwa.

Ay katsi glong aw ayu te, ‘Esugi tuwa ay ngay fabarangyan. Ay darangini tuwa tagfauri ayu.’

“Nu gfoyung tuwam ay yud nakasakan sas Diyus, useganani tuwa, teway umful tuwam sas Diyus at fagmagurangan taw.

Nu gfalukmeanan tuwam ay iba, useganani tuwa, teway gfangayan ban ayu te, Diyus wam at unga.

Dewa am kabalu katsi, useganani tuwa, teway Diyus gfataluwan yay ban ayu.

Dewa am gafaurianan sa ay nafaningan Diyus fakaumsigun, useganani tuwa, teway umful tuwam sas Diyus at fagmagurangan taw.

Nu kafanyu tuwam ay iba katsi, useganani tuwa, teway e mfanyu yangay ban ayu.

“Dewa e gfalingun ayu, ay dewa e gfauri ayu, ay dewa e glong mauri sa ayu baliwa sa ay naafanudan sa angku, useganani tuwa. Dewa katanya, useganani dawdaw, teway gbiya ban ay nabul sas banwa. Katanya yangay ebi at ngay taw at fagbulun, nafauri yangay Diyus at ngay taglong, at naguna ayu.”

Nu gfababaun tuwam, useganani tuwa, teway mul tuwam ban Diyus at nafamasegan.

“Am wan takata sik asing ste swa daga. Ay roro sik asing nu dway e tamis, tain ro nu gdog yangay tam gfatamis? Yaya, wa long kafatamis. Ka fag asing we fanambagun. Ukasi wan ay dewa ro e nasiyad.

Nu katanya, faggugat matuyani tuwa kata ay Tama sas banwa nu matuyan.”

Ay at masine longi way te, ‘Kin’ nu kin, ay ‘Yaya’ nu yaya, anway nu gfatvngvd am ay longan nu nafamut yay am kayunya, kanya siginan was Satanas.”

“Ay nadungug yangay am ebi at foyungan te, ‘Nus nga sinu at mul at tiba mata, e mul yangay at mata; ay nus nga sinu at rumabas at tiba bagang, e rumabas yangay at bagang.’ Ay katsi glong aw ayu te, lag nanfagbulun mauri sa at nafagbulun sa ayu at mauri. Fagalay e nafalang am siyun fag fingi, fasalubangi am wala fag fingi.

Ay am siyun fag mata nu gfe asalanan way emu, buli wan ay ukasi wan! Anway amasine yap dewa malyam sik afud am bilug, nu gdi e mukas fagdaul am bilug sas lino afuy. Ay am siyun fag take nu gfe asalanan way emu, lifungi wan ay ukasi wan! Anway amasine yap dewa malyam sik afud am bilug, nu gdi e mukas fagdaul am bilug sas lino afuy.”