Popular Bible Verses from Matiyu 28

Share

Ay loi wan ay foyungi sas taw sas fagdaul daga sa baliwa angku laman kanya ban ku ngay tagadal. Ay fasurungi anya sa tam Tama fagmadaragangun, ay anggan sa angku, Diyus at Baguwama, fagmadaragangun, ay anggan sa at Masine fag Falad fagmadaragangun. Foyungi anya te, faningi ban fagayu ku longan sa ayu. Ay aw, si kwa ayu faggugat anggan ban sas fakatabuwan fag ngay menit.”

Ay Isus inkakbang sat ngay tagadal ay nalong te, “Fagayu fagmadaragangun sas banwa ay sas daga nafon wa sa angku.

Ay ka fag tagfabarita nalong sa ka fag duwena te, “Lag kalimu, anway nasaful kwa te, gsarap am Isus, ebi at kintuktuk sas salibagan kayu. Ay kanya wa ste, anway kanya gdog wa gleleg, kata ebi ataw at longan. Stei, linggati wan si at fagfatungkudan.

Ay rodi Isus nalong sanya fag duwena te, “Lag kalimu. Loi wan ay foyungi sa ku ngay fadugsay, laman kanya sigon suma yangays talun Galiliya, anway sanya yay ban nu lumag am angku.”

Ay ngay taganyun daul nu nafaful taw Udyu at ngay tagmagurang ay nu nasulitanan wan, kanya nafon sik ngay singku sanya fag ngay sundalu. Ay nalong sanya fag ngay sundalu te, “Foyungi sa tibak taw te, ‘Isus at ngay tagadal indasug sat faglibingan gina sad yabi ay nabul Isus at bilug kaduge ami gtiyug.’ ” Ay Pilatu nu nadungug katanya ay longan, falukmeanan ami anya ay igtarabang ami ayu te, laman di gfauri ayu. Ay at ngay sundalu nabul ka fag ngay singku. Ay nafaning aro at ngay taganyun daul at longan. Ay taw Udyu nafoyung ka fag longan anggan katsi.