Popular Bible Verses from M. Mattayo 24

Share

Nipo chikomo chopasya viipa chitemwano cha anyinji chimyalale. Sembe uyo ati akoselele kuza na kunsindiko, wamene uyo azapuzumuke.

Evangelo iyi yofumu yakuŵirizyiwa pa charo chonse chakunkalapo ŵantu yakuŵa untoni ku mitundu yonse; pamene apo ninga kuze kusila.

Muze mumvwe vya nkondo na mbili zya nkondo: ŵonani kuti msafipa mitima: pakuti ivi sivingalekoŵapo, lomba kusila kukaliye.

Chikomo mtundu uukirane nosusyana na mtundu, na ufumu kususya ufumu: soti viŵemo vilala noteng'endeka kwa vyaro mmalo mmalo. Sembe ivi ni chiyambi cha mazuzyo.

Charo cha kumulu na cha pansi vize vilope, sembe malizu ŵangu sangolopa.

Pakuti ŵanyinji ŵaŵaze pa zina langu nonena, Ne nne Kristo, noŵaluvisya anyinji.

Pamene pala azamvumbuleni ku matamano nompayani, namwe mze mtinkiwe na mitundu yonse chikomo cha zina langu. Pamene pala anyinji azapilingishiwe nosokololana notinkana. Anyinji aŵirizi achipazyo azauke noluvisya anyinji.

Yesu eyasuka eŵanenera, Nkochenjerani muntu asamluvisyani.

Teti namwe soti mwakuŵa menso: pakuti pa kamfunda kamsalingilila akuza Mwana wa muntu.

Teti iŵani tuni: pakuti simuziŵa siku lakuza Asikuru ŵanu.

Lomba zya siku lila na kamfunda kala paliye muntu oziŵa, chukanga malaika a kumulu, chukanga Mwana, sembe Ŵata ŵeka.

Pakuti azauke ŵolipazya Kristo na aŵirizi achipazyo, amene ati azaŵonesye viziŵikwilo na vyozizwisya vikuru, lona kuti aŵaluvisye kati kukakumika chukanga aŵo otoŵolewa.

Umo mwenzele masiku a Nowa ni mkuti kuŵere kufwika kwa Mwana wa muntu. Nga ni pa masiku ŵala pakaliyekuza manzi a yamba mwenzolyera na kumwa, nolingulana nolingulisyana, mpaka siku lila lyechiloŵeramo Nowa mchiwato, naŵo nteziŵa mpaka yamba pelichiza noŵakokolola ŵonse, ni mkuti kuŵere kufwika kwa Mwana wa muntu.