Popular Bible Verses from 1 Akorinti 12

Share

Sembe ku ŵonse kupewa umo umo maŵonekesyo a pasweta a Mzimu, akuti ashukemo.

Lomba mwe nimwe muŵili wa Kristo, namwe umo umo nimwe vizo vya wine.

Chizo chimo chikatamana, vizo vyonse vutamana nacho pamo; na chizo chimo chikalemekewa, vizo vyonse vusekelela nacho pamo.

Pakuti kwa umo kupewa mwa Mzimu lizu la mano; ku muyake lizu loziŵa kwa mlingo wa Mzimu wamene ula; ku muyake chizomerezyo, mwa Mzimu wamene ula; ku muyake vyawanzi vyopolesya, mwa Mzimu umo; ku muyake vyochitila vyampamvu; ku muyake kuŵirizya; ku muyake kupatula mizimu; ku muyake vilaŵiro vya mtundumtundu; ku muyake kalongosolewe ka vilaŵiro

sembe ivi vyonse ni vyakuchita Mzimu umo wamene ula, kuyaŵira ku muntu ali wonse umo umo nga ni mwakupangwila.

pangaŵe malekano pa muŵili, sembe kuti vizo vikungulilane chimo na chiyake kolingana.

Lomba alipo mapatukano a vila vyopelekewa vyabule, sembe Mzimu ni umo na umo. Soti alipo mapatukano a mautumiki, na Asikuru umo na umo. Soti alipo mapatukano a vila vyochitiwa, sembe Mlungu ni umo na umo, opotola vyonse mu ŵonse.

Naye Mlungu eikamo mu eklezya yake, potatika apostolo, pakaŵiri aŵirizi, pakatatu asambizi, pavuli pake vyampamvu, nipo vyawanzi vyopolesya, vyoyavya, vyoyanjanisya, vilaŵiro vya mtundumtundu.

Pakuti muŵili nte chizo chimo, sembe vinyinji.

Yai mwandi, ngakongako vizo ivyo vya mmuŵili vuŵoneka kuŵa vyolenda ni vyosakika

Ungati muŵili wamsuma ni liso, nga kumvwa kungaŵe kuni? Ungati wamsuma ni kumvwa, nga kununsha kungaŵe kuni? Sembe lomba Mlungu eviika vizo chimo chimo mmuŵili, nga ni umo mwechipangwira. Angati vyonse ni chizo chimo, nga muŵili ungaŵe kuni?