Popular Bible Verses from Romanos 8

Share

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

Ha yu'un ni ha'uc te lajel, te cuxlejal, ch'ul a'batetic, principaletic, te bin ay ta ora ini, te bin ya xc'oht ta pasel ta patil, te bin toyol ay, te bin c'ubul ay, o biluc a te pasbile, jna'oj te ma xhu' ya spitotic loq'uel ta stojol te sc'uxul yo'tan Dios te ay ta scuenta te Cajwaltic Cristo Jesús.

Ha nix hich ya scoltayotic te Espíritu te bin ut'il mayuc bin ya xhu' cu'untic, como ma jna'tic bin ya jc'ambetic te Diose, pero ha nix ya xc'opoj cu'untic te Espíritu soc ahcan te ma xweht bin ut'il ya yich' halele.

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu

Te sna'ulanel te bintic scuenta ch'ich'-baq'uet, ha ya x'ac'otic ta lajel yu'un, yan te sna'ulanel bintic scuenta Espíritu, ha me cuxlejalil soc lamal q'uinal.

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

Sch'uhunej co'tan te jwocoltic ta ora ini ma pajaluc soc te utsilal te talel yac te ya xchicnaj ta jtojoltic

¿Mach'a c'an spitotic loq'uel ta stojol te sc'uxul yo'tan Cristo? ¿Ha bal te contrahinel o wocoletic, uts'inel, wi'nal, teme mayuc c'u'ul-pac'al, te bin chuhcul ya xc'oht ta pasel, o espada?

Te mach'a ya sna'botic co'tantic ya sna' te bin ay ta yo'tan te Espíritu, como hich ya xc'opoj yu'un te mach'atic ch'uhltesbilic te bin ut'il ya sc'an yo'tan te Diose.

Ha me al-nich'aniletic yu'un Dios spisil mach'atic ayic ta tojobtesel yu'un te Espíritu yu'un Dios

Te mach'atic ayic ta scuenta te ch'ich'-baq'uet ha nax ay ta yo'tanic te bin scuenta ch'ich'-baq'uet; yan te mach'atic ayic ta scuenta Espíritu, ha ay ta yo'tanic te bin ya sc'an te Espíritu.

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Ha nix te Espíritu te ya yal testigo-c'op ta stojol te espíritu cu'untic te ha yal-snich'anotiquix te Diose. Teme al-nich'anilotic, ya x'ac'ot quich'tic te bin ay yu'un Dios soc pajal ya quich'tic soc Cristo, teme pajal ya xc'ax jwocoltic soc, scuenta yu'un pajal ya quich' cutsilaltic soc.

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un

como spisil te bintic pasticlambil c'ax lec yo'tan yac smahliybel ya xchicnajtesot te al-nich'aniletic yu'un Dios.

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.