Popular Bible Verses from Romanos 14

Share

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu, como te mach'a hich ya yac' sba ta a'batinel yu'un Cristo, lec yo'tan Dios yu'un soc lec sc'oblal yu'un ants-winiquetic.

Teme cuxulotic, ha ta scuenta Cajwaltic te cuxulotic; teme ya xchamotic, ha ta scuenta Cajwaltic te ya xchamotique. Ha yu'un teme cuxulotic o teme ya xchamotic, ha yu'unotic te Cajwaltique.

Ha yu'un ya me jt'untic bin ut'il ya xlahmaj q'uinal yu'un soc te talel c'axel ya quich'tic quiptic a.

Ha yu'un ma me talel c'axeluc ya jlehbe jba jmultic, ha lec ac'a jnoptic bin ut'il ma ba ya ca'betic sc'ohchinojibal o te bin ya xyahlic yu'un te quermanotique.

Yu'un hich ts'ihbabil: Ho'on cuxulon, xchi te Cajwaltic, spisilic me ya squejan sbahic ta jtojol; soc spisil ehal ya me yalic ta jamal te ho'on Dioson, xchi. Ha yu'un jujutuhlotic ya xc'oht cac'tic cuenta ta stojol Dios.

Ic'ahic me te mach'atic mayuc yip sch'uhunel yo'tanic, pero ma yu'unuc te yac atijic ta c'op yu'un te bintic ay ta nopel ta o'tanil.

¿Mach'a yac acuy aba a te yac awalbe smul te ya'bat te yane? Ha chican stuquel te yajwal teme lec ya yil o teme ma lecuc ya yil te ya'bate. Lec ya xc'oht, como ay yu'el te Cajwaltic te ya yac' te lec ya xc'oht yu'une.