Popular Bible Verses from Romanos 12

Share

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Tse'eluc awo'tanic ta smahliyel, cuhchuc me awu'unic wocol, ma me xquehchajex ta sc'oponel Dios.

Ma me xawac' stsalat te bin chopol, ha'at me xatsal ta bin lec te bin ma lecuque.

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

Ta ban c'alal ya xhu' awu'unic, lamaluc me awo'tanic soc spisil ants-winiquetic.

Quermanotac te c'uxex ta co'tan, ma me xapac ac'abalic, ac'a a'tejuc te yilimba Dios, como hich ts'ihbabil: Ho'on cu'un suhtesbeyel spacol; ho'on ya ca'be stoj, xchi te Cajwaltique.

O'tantaya spasel te bin ya sc'an pasel, ma me xch'ajubex; ayuc yip awo'tanic ta a'batinel ta stojol te Cajwaltique.

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

Ma me xasutbeyic ta bin chopol te mach'a chopol bin ya spasbeyex; pasahic te bin lec ta stojol spisil ants-winiquetic.

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

Ha yu'un teme ay swi'nal te acontra, a'beya swe'el; teme taquin yo'tan, a'beya bin ya yuch', como teme hich yac apase, sjel ta yac abusambe c'ahc'al ac'al ta sjol.

Halbeyahic lec sc'oblal te mach'atic ya yuts'inex; halbeyahic lec sc'oblal, ma me xabohlobtesbeyic sc'oblal. Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

A'beyahic bin ya xtuhun yu'un te mach'atic ch'uhltesbilic; ic'ahic ochel ta ana te mach'atic yan banti talemic.

Hich te bin ut'il ay bayel ta chahp te ay ta jbaq'uetaltic, pero ma junuc nax ya'telic ta spisilic, ha nix hichotic, aunque tsobolotic, junax jbaq'uetaltic ta scuenta Cristo, junax c'ohemotic.