Popular Bible Verses from San Marcos 2

Share

C'alal hich la ya'iy te Jesús, hich la yalbe: Te mach'atic lec ayic ma xtuhun yu'unic jpoxtaywanej, ha nax te mach'atic ayic ta chamel. Ma ha'uc tal quic' te mach'atic toj yo'tanic, ha tal quic' te mach'atic jmulawiletique, xchi.

C'alal la yil te Jesús te ay sch'uhunel yo'tanic, hich la yalbe te mach'a chamen schihal yoc sc'ab: Jnich'an, pasbilatix perdón yu'un amul, xchi.

Soc hich la yalbeyic xan: Te sc'ahc'alel cux-o'tan la yich' aq'uel ta scaj ants-winiquetic, ma ha'uc te ants-winiquetic la yich'ic aq'uel ta scaj te sc'ahc'alel cux-o'tan.

Pero ta scaj te bayel ants-winiquetic ma ba hu' yochelic ta banti ay te Jesús, ha yu'un mohic ta sjamel te ba na ta banti ay te Jesús. C'alal jahm yu'unic, la sjihpanic cohel soc schahchamte'el te mach'a chamen schihal yoc sc'abe.

Pero scuenta yu'un hich yac ana'ic a te ha yich'oj ya'tel ta bahlumilal te Nich'anil ay ta scuenta winic yu'un spasel perdón yu'un mulil (la yalbe te mach'a chamen schihal yoc sc'ab): Ya calbat, hahchan, q'uecha bahel achahchamte'el, bahan ta ana, xchi.

¿Ban ay te ma wocoluc ta halel, teme ya calbe te mach'a chamen schihal yoc sc'ab: Pasbilatix perdón yu'un amul, teme ya cute, o teme ya calbe: Hahchan, q'uecha bahel achahchamte'el, behenan, teme ya cute?

Ora hahch, la sq'uech bahel te schahchamte'el ta stojol spisilic. Xcham yo'tan spisilic yu'un soc la yalbeyic yutsil sc'oblal te Diose, hich la yalic: Mayuc hich quilojtic a ini, xchihic.