Popular Bible Verses from San Mateo 7

Share

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

Como spisil te mach'atic ya sc'anic, ya me x'a'botic; te mach'a ya sle, ya me sta ta lehel; te mach'a ya stij puerta, ya me xjambot.

Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

Ha yu'un spisil te bintic lec yac ac'an ya spasbeyex te yantique, ha nix hich xapasbeyic, yu'un hich ay ta Ley soc te bin yalojic te jalwanejetique.

Pero tut te puerta soc tut te be ya xbaht ta cuxlejal, mayuc tsobol mach'atic ya x'ochic tey a.

Ochanic bahel ta tut puerta; como muc' te puerta soc jamal te be te ya xbaht ta ch'ayel, soc tsobol mach'atic ya x'ochic tey a.

Teme ha'ex te chopolex yac ana'ic ya'beyel lequil mahtanil te awal-anich'anic, ¿ma bal c'axuc to xan hich a te Atatic ay ta ch'ulchan ya yac'ticlambe bintic lec te mach'atic ay bin ya xc'ambot yu'unique?

Ma me xawilbeyic ya'tel yan, scuenta yu'un ma ba ya x'ilot awa'telic a te ha'exe, como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

Yan te mach'a ya ya'iy te c'op ini pero ma ba ya spas te bin ya yal, ha ya jpaj soc jtuhl winic te mayuc sp'ijil, te la spas sna ta hi'ileltic.

¿Bin yu'un yac awil te c'a'pal ochem ta sit te awermano, te ma ba yac awil te ts'amte' ay ta asit? ¿Bin yu'un hich yac awalbe te awermano: A'bon jloq'uesbat te c'a'pal ochem ta asit, te xchihat, pero ha'at ay ts'amte' ta asit?

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic. Ya me ana'beyic sba ta scuenta te site. ¿Ya bal yich' tulel ts'usub ta ch'ixetic, o higo ta ch'ix-te'?

Spisil te lequil te', lec sit ya yac'ticlan; yan te te' te ma lecuc, ma lecuc sit ya yac'ticlan.

Te lequil te', ma xhu' ya yac' sit te ma lecuc; ha nix hich te te' te ma lecuc, ma xhu' ya yac' lec sit.

Spisil te' te ma lecuc sit, ya yich' ts'etel soc ya yich' otsesel ta c'ahc'.