Popular Bible Verses from San Mateo 22

Share

Halbot yu'un te Jesús: C'ux laj me xawa'iy te Cajwaltic Dios ta spisil awo'tan, ta spisil ach'uhlel soc ta spisil ap'ijil. Ha te shahchibal mandaril soc te ha muc' sc'oblal. Te schebal ha nix hich pajal soc: C'ux me xawa'iy ta awo'tanic apat-axuhc hich te bin ut'il c'ux yac awa'iy aba.

Te cheb mandariletic ini, ha yich'o-ip spisil te Ley soc te bintic la yalic te jalwanejetic, xchi te Jesús.

Como tsobol te mach'atic ic'bilic, pero mayuc tsobol te tsahbilique, xchi te Jesús.

Como ta yorahil cha'cuxajel ma ba ya xnuhpuniquix soc ma ba ya x'ac'otix ta nuhpunel, hich ya xc'ohtic te bin ut'il ch'ul a'batetic yu'un Dios ta ch'ulchan.

A'bonic quil te taq'uin yu'un patanil, xchi. La ya'beyic yil jun denario. Ha yu'un te Jesús la sjoc'obe: ¿Mach'a sloc'omba yac awilic ini, soc mach'a sbihil te ts'ihbabil tey a? xchi. Yu'un César, xchihic. Halbotic yu'un te Jesús: A'beya César te bin yu'un César, soc a'beya Dios te bin yu'un Dios, xchi.