Popular Bible Verses from Lil e Rimljanurenđe 1

Ni ladžav taro Lačho Lafi golese so gova si zuralipe e Devleso savo spasil dži jekhe savo pačal: emangleder e Jevrejen a pale gova i e abandžijen.

Golese so ano Lačho Lafi objavimo si e Devleso način sar postignil pe o pravednost savo počnil thaj završil pe e pačajimasa, sar so si pisimo i ano Sveto lil: “O pravedniko ka živil taro pačajipe.”

E Devlesi večno zor thaj o devlipe našti te dićhol, al taro postanko e svetoso šaj dićhen pe thaj te haljaren pe ane kova so o Dol ćerda. Golese naj len nisavo opravdanje baše pe buća.

Golese so, iako džanglje e Devlese, ni dije le slava sar Devlese niti zahvalisajle lese. Umesto gova, lengo gođaveripe sasa čučo, a lenđe nerazumna ile dolda o kalipe.

Menjisade e Devleso čačipe xoxaimasa thaj slavisade thaj služisade kova so si ćerdo vastencar, umesto e Stvoritelje, kase si i slava ane sa e đivesa. Amin.

E Devlesi holi objavimi si taro nebo pe sa bidevlikane thaj pe nepravedna buća e manušenđe save pe nepravednone bućencar garaven o čačipe.

Gijate, o Dol predija len ane lenđe ladžutne strastura. Umesto te avol len prirodna polna odnosura, lenđe romnja ćerde len neprirodna. Gijate i e murša ačhade e prirodna polna odnosura e romnjenca thaj phabile ani požuda jekh premal avereste. E murša e muršencar lije te ćeren ladžutne buća thaj primisade pe peste zaslužimi kazna baše pe perverzna buća. A golese so ni smatrisade kaj si vredno te araćhen o čačukano pindžaripe e Devleso, vov predija len lenđe dile gođenđe save navedisade len te ćeren buća save ni trubun.

Vaćarde pese kaj si gođavera, al ćerdile dile. Thaj i slava e Devlesi savo nikad ni merol, menjisade slikasa thaj oblikosa taro mulikano manuš, tare čiriklja, tare životinje ke štar pingre thaj tare gmizavcura.