Popular Bible Verses from Tit 3

Share

A kad amaro Spasitelji, o Devel, mothovđa plo šukaripe hem plo mangipe e manušenđe, ov spasinđa amen, ali na zbog amare pravedna delja save ćerđam, nego zbog plo milosrđe. Ov spasinđa amen prekalo thojba e neve bijandipnastar hem obnovinđa amen e Svetone Duhoja. O Devel upra amende barvale čhorđa e Svetone Duho prekalo Isus Hrist, amaro Spasitelji, te šaj, opravdime pali lesiri milost, te ova naslednici e večnone dživdipnastar savese nadinaja amen.

Podsetin e manušen te pokorinen pe e vladarenđe hem zako vlastija, te oven poslušna, hem spremna zako svako šukar delo. Podsetin len nikastar te na vaćeren bišukar, te na oven kavgađije, hem te oven krotka hem ljubazna premalo sa o manuša.

Cide tut taro hulava debate hem taro rodoslovija, taro kavge hem taro rasprave zbog o Zakoni, adalese soi sa adava beskorisno hem nane vredno.

E manuše kova anela podela opomenin jekhvar, hem o dujto puti, a palo adaleste, ma više ništa te ovel tut oleja