Popular Bible Verses from Jakov 2

Share

Ađahar hem tei i vera korkori, te nane la delja, ondai muli.

Adalese sar soi o telo bizo duho mulo, ađahari hem i vera bizo delja muli.

Mle phraljalen, te neko vaćeri da isi le vera, a nane le šukar delja, lesiri vera na vredini ništa. Šaj li te spasini le esavki vera? Na!

Tu verujineja da isi samo jekh Devel? Šukar ćereja. Ali hem o bišukar duhija adava verujinena hem tresinena!

Ali neko ka vaćeri: “Tut isi vera, a man isi delja.” Mothov maje ti vera bizo delja, a me ka mothovav će mli vera mle deljencar.

Adalese so, o sudo naka ovel milosrdno okolese kova hem korkoro na inele milosrdno. A o milosrđe nadvladini e sudo.

Dikhena da o manuš na ovela pravedno anglo Devel samo prekali vera, nego hem e ćeribnaja.

Dikheja li da i vera sarađujinđa lesere deljencar, hem da i vera palo delja uli pherdi.