Popular Bible Verses from 1. Petar 3

Share

Nego, den čast e Hristese sar e svetone Gospodese ano tumare vile hem oven uvek spremna te odgovorinen svakonese ko tumendar rodela objašnjenje oti nada savi ana tumende. Ali ćeren adava krotko hem ano poštujiba. Nek tumari savest ovel čisto! Ađahar, te o manuša ogovorinena tumen, okola kola kaljarena tumaro šukar ponašiba ano Hrist, ka oven lađarde.

Adalese so, e Gospodesere jaćha dikhena upro pravedna, hem lesere kana šunena lengere molitve, ali e Gospodesoroi muj protiv okola kola ćerena bišukaripe.”

Ma te ovel tumaro šužipe ano izgled: ano ćeriba frizure, ano kitiba zlatoja ili ano urjajba šuže šeja. Umesto adava, kitinen tumen andral šužipnaja savo na nakhela, savo avela oto krotko hem mirno duho, adalese soi adava dragoceno anglo Devel.

Adalese soi ano Sveto lil pisime: “Ko mangela te ovel le bahtalo dživdipe hem te dikhel šukar dive, nek arakhi pli čhib oto bišukaripe, hem ple vošta oto hovajba; nek cidel pe oto bišukaripe hem nek ćerel šukaripe, nek rodel o mir hem nek del sa pestar te ačhol ano leste.

I ko kraj, oven sare sar jekh ano misliba, saosećajna, volinen tumare phraljen, oven ljubazna hem ponizna. Ma irinen bišukaripe zako bišukaripe ni uvreda zaki uvreda, nego blagoslovinen, adalese so ko adava injen vičime – te nasledinen o blagoslov.

Ko ka ćerel tumenđe bišukar te trudinena tumen te ćeren okova soi šukar?

nek cidel pe oto bišukaripe hem nek ćerel šukaripe, nek rodel o mir hem nek del sa pestar te ačhol ano leste.

Adalese so, po šukari te patini pe ćerindoj okova soi šukar, tei adava e Devlesiri volja, nego ćerindoj okova soi bišukar.