Popular Bible Verses from 1. Jovan 2

Share

Ma volinen akava sveto ni okova soi ano sveto. Te neko volini e sveto, ano leste nane e Dadesoro mangipe. Adalese so, sa soi ano sveto – i požuda e telosiri, i požuda e jaćhengiri hem o barikanipe zbog o barvalipe – na avela e Dadestar, nego e svetostar.

O sveto hem lesere požude nakhena, a ko ćerela e Devlesiri volja živini zauvek.

Ko vaćeri da ačhola ano leste, ov mora te živini ađahar sar so o Hrist živinđa.

Mle čhavoralen, akava pisinava tumenđe te na grešinen. Ali, hem te neko ćerela greh, isi amen Zastupniko koro Dad, e Isuse Hriste, e pravedniko.

Okova kova vaćeri da pendžari le, a na ićeri pe ko lesere naredbe, ovi hovavno hem ano leste nane čačipe.

A palo akava džanaja da pendžaraja le: te ićeraja amen ko lesere naredbe.

Ko vaćeri dai ano svetlost, a mrzini ple phrale, panai ani tomina.

Koi hovavno te nane okova kova na priznajini dai o Isus o Hrist. Ko na priznajini e Dade hem e Čhave – ovi o antihrist.

Ko na priznajini e Čhave, nane le ni e Dade. Ko priznajini e Čhave, isi le hem e Dade.