Popular Bible Verses from 1. Korinćanenđe 12

Share

A o Duho upro svakoneste mothoj plo delujiba zbog i zajedničko korist.

A tumen injen e Hristesoro telo hem svakoi tumendar ud adale telosoro.

Te jekh ud patini, patinena hem sa avera; te zako jekh ud dela pe čast, oleja radujinena pe hem sa avera.

Adalese so, jekhese o Duho dela daro te vaćeri lafi oti mudrost, dok o isto Duho averese dela te vaćeri lafi oto džandipe. Jekhese o Duho dela daro te verujini, dok o isto Duho averese dela daro te sasljari. Jekhese o Duho dela daro te ćerel čudesija, a averese daro te prorokujini. Nekase dela daro te razlikujini e duhonen, nekase te vaćeri ano avera jezici, a nekase te tumačini adala jezici.

A sa akava ćerela jekh isto Duho, kova pali pli volja dela daro svakonese.

te na ovel podele ano telo, nego te šaj sa o udovija jednako te brininen jekh averestar.

Isi različita darija, ali jekhi o Duho. Isi hem različita službe, ali jekhi o Gospod. Isi različita delujiba, ali jekhi o Devel kova sa ćerela ano sarijende.

A o Devel ani Khanđiri čhivđa prvo e apostolen, dujto e prorokonen, trito e učiteljen, onda okolen kola ćerena čudesija, onda okolen kas isi daro te sasljaren, ili te pomožinen, ili te upravinen, ili te vaćeren ano avera jezici.

Adalese so jekh ud na ćerela sa o telo, nego but udovija.

Naprotiv, okola udovija save dičhona sar po bizorale – oni but bitna.

Kad bi sa o telo ovela jakh, kaj bi ovela o šuniba? Kad bi sa o telo ovela kan, kaj bi ovela o mirišiba? Ali, o Devel čhivđa svako ud ano telo ađahar sar so ov manglja. Kad bi sa ovela samo jekh ud, kaj bi ovela o telo?