Popular Bible Verses from Sak 1

Share

Baane ba Tayi, ve kabili yenu ne minoongu minoongu mi maguge, bilanu ne mbili yinyunge; mumbare yenu diyatsi re, gitu gyeenu ga gigwaarile mu dimaangu, dimaangu dyene digubage muginyinyi.

Ga wumoosi ve ganegarenu abunu buyedi, atombi bwo gu Nzambi, ne Nzambi aguveege yandi buyedi bwene; mumbare Nzambi akaveegi gu bootsu ne murime mwaasi guga batseembu.

Baane ba Tayi ba diroonde, bweedi yenu diyabi re: mutu mutu ababisi wuyulu, ayaleenge wuyambile vo wubile ne kabu.

Ne vane, diyelile mure muginyinyi wenu wukebile kwanga ne gu disukusulu, mure yenu dikebile bayelimine guga dyaambu dibive, ne dikerebunu yivaave nisi gimoosi.

Kagu vaganu magonerume mabigu ma Nzambi, diyasiingene ke ne wuyulu mbe digudungeme yenu bene.

Myule gu yandi wukagwaarili mu dimaangu; mumbare ve yulu wugwaarile wandi, agudile museende wu monyu wu mubu ne mubu wugane Nzambi gu bootsu babakaroondu naandi.

byootsu bibinyi bidikadili, ne nzolu yootsu yivyogilile wunyi bikarugi ke gu Nzambi wusuunde dyuumbi ne tsuungi, ne banyetse. Yandi asakakalugi, ne mu yandi gusaandi diviseme.

Mumbare ga mutu ayulu mabigu ma Nzambi ne ga asavage navegonerume mo, yandi abagunu mutu wugonemonige mbalengandi nayo gugare gyeenu. Veke mane yandi wumonige, areyendenge ne arelibene na yidimu gyandi.

Gu kyelu yi Nzambi Tayi, munoongu wungyenze wugatogu mu wulaande yandi nde wuyamune batsaani ne bakwiili gugare maguge mawu ne wubuse wubivusu ne maambu ma buloongu.

Mutu ga amaangu ayayambile re: «Nzambi re wugonemaange me», mumbare Nzambi asakamaangu mu wuvage dyaambu dibive ne yabene asakamaangi mutu. Te mutu mutu akadutu akagaangu ke ne banzaale tsi yabene tsibive tsikayenzi yandi gu dimaangu.

Mwaane tayi wu dibagele konane wu mugyetu wuyi disaandi anyemugi mumbare Nzambi amemakise yandi