Popular Bible Verses from Rromanodeniza 7

Share

Ia Zozossede Zeso Cristona oua dicca nazapa Deoza ouatizeza: —Rrehe, tirrine bica tani −onarraro. Nazama occa uimape arrima nani: Obodipe Deocca zossenirriza ibora tarraro. Naraha ouimena uimasiri onananiuarrine ibora tarraro.

Ouape ouaza uima bicani nouerarraro nauato onani. Ouime ocarrie omadirre narraro uimasiri sse onani. Uima bicani onananiuarrine touini oneraha nema onane-rrerani.

—Uima bicani onanana −oneraha uima bicani onane-rrerani. Ouape uima uaidira tarraro touini onerrereraha uaidirehe ohonana narraro.

Nezape obodi uatorraro: Oua nacassera onanicca onanarrarope oua motta orrine rrerani. Uimasiri obodiza madizarrarorrine oua ocazosseniza nema onanarraro.

Obodi uatomezape arrirraro uima ocarrirraro ouaza auato tani: —Uima bicani onanana −oneraha uima uaidira taniccara onanarraro. Obodipe Deocca zossenirri Moizeza da inarraro touini onani.

Oua nacassera onanicca onanazape uima ouaza auato tani: Moizecca marinarrape bica tani.