Popular Bible Verses from Rromanodeniza 14

Share

Deocca cacauehepe irripanicca, ze inanicca rrerani. Pocca cacauehepe Poua Corime ia acco canaza uimasiri rrirehe imadinissa tarraro, rroneheza imadirraro, etizeri narizarrarona parri. Zeso Cristocca zozosse iquerrenezape narrarossa inanaza imadiniuarrine. Nazana Deo iaza uatizeuitoui. Madirra naco: —Bicaqquiri tiquenani −quenauitoui.

Imadiccazape ia Zozossede inauatizeuiuarrine imadirraro. Izoqqueza naqui pouaza imadiniuarrine. Nema narraroa arri imadiza, izoqqueza ia Zozossedecca iquerrenarraroparri.

Imecotedeni uapima icarronerara cananiuarrine, icca rrehenirri denima todacorani naniuarrine naqui dameraqquiri inana.

Nezape timecotedeni tezerre: —Ticca uima bica terrerani −ticanirere cana-rrerana. Arrima tiquenanina bica tani: —Ouimecote uimasiriza oneuedima-rrarauiuarrine −tiquenarri. Timecotecca rrehenirri tinassamo-rreraniuarrine tia tiara ticca madie tecauarri, onarraro.

Deo Atti dozo nanipe arrima narraro: —Ouape parrissa omadini. Ouatti naqui parrissa −naui nade ia Zozossede. —Madirra bazima otezerrema pouadeni pitoza rrassi tauitoui. Uapima attidenipa: “Tiana deni tirrani, bica tinani” quenauitoui −naui nade. Niza naniuarripe ia bazima icca madiecca uima ia mottacca Deoza ecomeranitoui.

Madirra Zeso Cristoza rrehe naraha pocca rrehenirri rrapari tarraro tiadeniza bacco nazapa: —Iaza tiqquezimani bica tani −tiquenarri. Naraha poua tezerre arriuarri uati arriuarri uati tiquenerrerarri.

Nazama madirra ouahacca zozosseza —Tirrine bica terrerani −tiquenaniuarrinequi? Narrarope ticcadeni uima rrerani. Pouarrine uima bica teza, bica terreraza poua zozossedena pouaza uati tauiuarrine. Narraro uimassa narraro timecotedenicca uima nattome tiquenani bica terrerani. Ia Zozossede pouana madirracca uima inanabicaniuarrine parrireui.