Popular Bible Verses from Apocaripisi 22

Share

Ouape oua. Arrirraro zama nauatopo-rreraccazama omadiporraro. Niza zotode arrirraro zama rricaraha ouape omadi-zanaponitoui −nade Zeso.

Ia Zozossede Zeso attipa: —Rrehe, occanibote nani. Uima bicani inanarize-manarrarodenipa narrarossa nehe pouadeniza da onarizanitoui. Naraha uima uaidira tanicca inanarize-manarrarodenipa narrarossa nehe pouadeniza da onarizanitoui.

—Nirra, ticcarronarri −quenaui Deo Corime, Eueue Bedicca amonerre tazarrani. (Narraro amonerrecca uimape Zeso Cristoza ihiqueriqqui narrarocca uima.) Madirra arrirraro uima mittemanarrarideni naco: —Rrehe, ticcarronarri −quenana. Passotoui bacco rrocorrari zede touini nazapa ccarronana, passo camittehecca manaconi rrirehe ze nauiuarrine.

Nazapa madirra pina poccadeni etero ssaua quenarrarossa naza bodideni touissorizazapa Deo pocca biquehe pouadeniza inanarizanitoui. Narraridenipa aua bono camittehecca rripemanaui bica taui. Deocca oza pananicca totoqquezimaza rraui torrezimaui naco bica taui.

Ia Zozossede Zeso attipa: —Occanibote nani −narrari. —Deocca uima itezerremacca arrirraro papeoza dozo naniza ibora tarraripa occa biquehe pouaza onananitoui −nade.

Nanizape zome noueranitoui. Nauiuarri madirra madimanarraridenipa rrorrororo toui, marri ssiuerrene toui quena-rrarauitoui. Ia Zozossede Deona bazimaza ssiuarra inanarizanitoui. Nazapa Deo pocca zozossedeni bazima zossede toquerrena-zanapouitoui.

Arrirraro uima bazimape Zeso Cristo uati tarraricca. Iaza poua attipa: —Parrissa, occaniniuarrine uarrira tani −nade. Nezape ia etti: —Parrissa nema nana. Ia Zozossede Zeso ticcanirri −inarraro. Ia Zozossede Zeso Cristo tiadeni bazimaza uima bicani inanana, onarraro. Parrissa nema nana. Peperri.

Deorrine auatorraro itezerremacca uimape arrirraro papeoza dozo nani mittemanarrarideniza ouatti arrima onarraro: Madirrapa arrirraro uimaza uima onihi inauarini oppina tani. Uima onihi tonauaridezapa Deo pouaza uima oppina tanicca inassonarinitoui. Arrirraro papeoza dozo nanicca uima oppina tanicca pouaza torranitoui. Nazama madirra ouaha itezerremacca uima arrirraro papeoza dozo nanicca mota inebozape manaco Deo pouaza aua bono camittehecca eccoccouitoui. Oza panani Zerozare Deocca naqui pouaza eccocconitoui.