Popular Bible Verses from Apocaripisi 17

Share

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Nazapa Deocca zozosse tabaqqui 7 quenarrari tasa carrimanarrarideni orrariapa ouauarri ccarronaza uati tarrari: —Nirra, ticcarronarri. Tiaza uima auato onanana −narrari. —Arri amonerre passo tetepiza uittarirrarope uananari. Ponicca uimasiri manaconi Deo inarrizonicca uima qqui tinaniuarrine −narrari.

—Arra bani siri qqui tinarraripa taide madiporaha rridapanapa pocca uima rricani. Naraha pouapa niza nami odini uarri taniccaza qquenaui orrariuitoui. Qquenaui nattipa coriza imeni rrororo cananiuarri poua zoqqueuicca uima inauana-zanaponitoui. Nazapa arrirraro zamacca madirra taide zama nauatoponizama camittehe carrimana-zanapouiuarrinecca papeoza onideni nouerarrarideni bani siri qqui toquenazapa bodideni uarro quenauitoui. Narrari bani siripa madiporrari, rridapanapa madi-rraraui, niza zotode canarroranipomaza madirra inarraborreribaqquiuitoui −narrari Deocca zozosse ouaza.

Uassarinicca dozo nanipe imittaniuarrine ssamo inaccani. Narrarope arrima narraro: Oza panani imeni Babironiape uananehe rrinede. Ponicca marinarrarrine iboue, uaidirehe torrarizezape zama bazimaza uima torrari nazi tehe torrarizarraro.