Popular Bible Verses from Apocaripisi 10

Share

Deocca zozosse memeuarricca rricariuicca rrori rrori nazapa Deocca uima arrirraro zamacca madirraza auato inanapo-rreraccarraro auato inananitoui. Narraro uimape Deona Poua Atti cacomeraqquiri narrarideni mari icanabaqquiporrari −narrari.

Nazapa ouaza arrama narrari: —Madirra bazimaza, arra zama onihi onihiza madirizemanarrarideniza, touatti onihi onihi carririzemanarrarideniza, taminedeniza naqui Deo pouadeniza inananiuarrine tauimari uati tinarizapomarri −narrari.

Nazapa memeuarri qqui onanarra Deocca zozosse dacorabote ouaha meme essenima carrimaha ccaronarrari. Poua tatiza meme rranoni porimacossanissa narraro carrirrari. Panopa pina marri ssiuerrenessa narrari. Issopa pina zippo rrororoni pamarrarossa narraro.

Nezape Deocca zozosseuarri occarraro. Papeo pico naqquini bedenitoui pouaza uati onarraro. Nazapa ouaza uati tarrari: —Arra, arrirraro papeo tirriparri. Terrerizape marrida tarraro. Pina rrizi oquinessa nanitoui. Neraha tizonezana bida tanitoui −narrari. Nezape Deocca zozosse memeuarricca zepecca papeo pico naqquini bedeni odiza orriparraro. Ouarrarizape marrida tarraro. Pina rrizi oquinessa neraha ouizonezana tobidani narraro.