Popular Bible Verses from Ebreo 3

Share

Arrima tiquenanina bica tani: Uarrirriraza tiadenira ticatizerara canarri. Arri rridapana Deo tiadeniza uaua naui parra naccaza: —Deo Atti imittana −titiquena naza acco acco ticanarizerara canarri. Nema tinanemanezape uimasiri tiadeni tocamaizabaqqui-rreranitoui. Deoza naqui tibodideni touibo-rreranitoui.

Parri ouimecotedeni, tibodideniza uaidirehe tecauemana-rrerarri. Tibodideniza rrehe tiquenanissa terreraza naqui Deo camitta tarrari Pouaza tiarrimanerana.

Zeso Cristoza iquerrenaniuarrinepe pouaza rrehe izanaponiuarrine. Pina taide pouaza rrehe inazama narrarossa inarronehe damera izanapoza poua ccaniuicca uada bacco inezape pouaza iquerrena-zanaponitoui.

teribodeni didiqquiri nerrerana. Pina maittaccazama ticcadeni idi Izarraeo potemauidenissa tiquenerrerana. Pouadenipa uaribodeni didiqquiri naza Deo Attiza touibomanarrari. Zama uamoni ssono carri, siba carri taniuarri madirizemanaza Deo nacassera tauicca ihinanarizemana nazapa Poua nattome quenarrarissa narrari.

Rrehe ouimecotedeni, Deopa pocca madirra pouaza bicaqquiri tiquenaniuarrine tiadeni tocatterrizabaqquirrari. Nema nezape Zesoza tibodideni uatonissa tarri, onarraro. Pouaza rrehe inezape poua tauimari ehecomera narraro. Pouapa Imehi Deocca zossenirri ccaronarrari, iaza Imehi tauimari uati tauiuarrine. Poua naco icca uima uauati toqquimade deni torrauicca. Icca uima Imehiza uati uati tarrari, inarraro.