Popular Bible Verses from 2 Zouao 1

Share

Touati uanehepe arrima narrarona parri: Pina Deocca zossenirri uapimassa inanarizarrarona parri. Deo pocca zossenirri timittemanapozama pocca touati uanehema timadiriza-manarri.

Naraha madirra: —Iape denima nauatoqquiri inani −quenarraridenipa Zeso Cristocca marinarraza poccadeni uima inauarimana tani. Zeso Cristocca marinarra nebomanazapa pouadeni bodiza Deo madiza-rraraui. Naraha madirra Zeso Cristocca marinarrassa inanemana-zanapozapa pouadeni bodiza Deo madizarrari, Poua Bedi naco pouadeni bodiza madizarrari.

Parri, mamaizadedenipa tiadeni tocamaizabaqqui-manarana. Poccadeni uimaza parrissa tiquenezape arri Deoza tizepedeni irrimanarrarocca manaconipe pocca danirri bica tanicca ticarrimana-rrererana, onarraro. Naraha pina Zeso Cristocca marinarrassa narraro uima bicanira tinanarizemanazana niza Deoza tizepedeni irrimanarrarocca manaconipe Deocca danirri bica tanicca tiadeniza torranissa tanitoui.

Naraha arrirraro zamazape mamaizade carri tarizaui. Pouadenipa: —Zeso Cristo Deoza madiporraripa pina madirrassa naha tossona-rraraui −quenarrari. Madirra nama narraripa mamaizade torrarrari. Narraripa Cristoza uadi tarrari.