Popular Bible Verses from 2 Corintodeniza 4

Share

Nezape inoccoza qqui inarrarocca, essireza inauanarrarocca touira ibodi uauatomacca nerrerani. Nema naniccape rricanitoui. Naraha qqui inerreranicca, zotode torraniuarrineccape rriquerreranitoui. Narraro touira imadirraro.

Narrarorrinea ehetize nezape: —Peperri, ineboqquina −inerrerani. Iape rradaui iquerrenarronarraro. Essire torrapariraha ibodina uarrirriraza todacorani zanaporraro. Arrirraro namiza ocasserani errarope bazira tani, rricaca tani. Naraha narrarorrine Deocca biquehe, pocca deni torrehe rricaquera tanicca denima denima iaza torrazanaponitoui.

Nema nezape uima onihi, onihi iaza ssonariraha iedima-rrerani. Uima onihirrine ibodi uatoto caneraha —Cristoza peperri inana −inerrerani. Ia tonarrizo-baqquimanaraha Deopa ia nebo-rrararrari. Ia tonarrica-baqquimanauiuarrine uauacca iquerreneraha ia tonarrica-baqquimanauiuarrine parriremana-rrararrari.

Deopa arrirraro uima bicani iaza inanarrarope pina tozepetarri uatini ccara tanicca zipa ssiqui nepi naniza ua izarrarossa narraro. Iape pina zipassa inarraro. Essirepe zoqqueqque tanicca, dacora-rrerani. Nema inezape madirra uapimaza auato tarraro: Deocca deni torrehe, pocca dacorehepe Poua pocca. Icca rrerani.

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

Deopa zama inauatopozama uati tarrari: —Ziziniza ssiuarrani tossiuarrarizana −napozapa ssiuarrani tossiuarrabaqquirraro. Ibodiza naqui Poua ssiuerrene inanarraro, pocca biquehe, pocca deni torrehe nauatoqquiri inaniuarrine. Narraro pocca biquehe, pocca deni torrehepe Zeso Cristo pouaza auato tarraro.