Popular Bible Verses from 1 Tesaronicadeniza 4

Share

Zotodena arri ia camittaqquiri inarraro rricaporrarideni tezerre bazima ia touaccamacossani-baqquiuitoui. Meme essenima rrauirramacossanitoui. Meme nocconiza ia Zozossede Zeso Cristo tezerre bacco bacco icananitoui. Nezape ia Zozossede Zeso Cristoza imadi-zanaponitoui.

Rrehe, ia Zozossede Zeso Cristopa ccaronauiuarrinepa taide memeuarri atti moui taha uaua naui imittanitoui. Deocca zozosse tabaqquidenicca tamine naco uaua naui atti imittanitoui. Deocca rrorroza rrori rrori naui naco imittanitoui. Nazana Zeso Cristo memeuarri ccaronazapa pouaza parrissa quenaporrari rricaporrarideni taide nauatonimanauitoui.

Deo Poua nacassa tauiccape arrima narrarona parri: Tibodideni ssiuarra, uisso teza uimasiri rrirehe timadimananiuarrine. Nema tinanemananiuarrinepe uananehecca tinanemana terrerarri. Deopa arra maqquiderre amonerre carrirraripa pocca amonerrera inarrari-zanaponiuarrine nacassa tarrari. Nani ticcadeni amonerreza tetideni uanaqquiri neza ticcadeni amonerre tecauemananissa taniuarrine.

Arra Zeso zoqqueraha nauatonirrariza parrissa inezape nauatoto inarraro. Narraria arra Zesoza parrissa quenarrari zoqquemanarrarideni naco pina Zeso Deo inauatonirrarissa quenauitoui.

Mouaraza timadimananissa taniuarrine tibodideni uatonissa tarri, inarraro. Pina ticcadeni uimazara tibodideni uatomanarri. Madirra ouahacca uimaza ticarrimemana terrerarri, inarraro. Mouaraza tizepedeni irririzemananissa tarri, inarraro.

Deopa uimasiri inananiuarrine itoui uaua narraraui. Uimasiri inana-rreraniuarrinena itoui uaua narrari. Deopa ibodi uisso, ssiuarra taniuarrinena itoui uaua nanarra narrari.