Popular Bible Verses from 1 Corintodeniza 9

Share

Arra madirra ittometoui taide narroremanapozapa pouadeni nattome quenaporrari. Pouadeni assire dacoraqquiri nauiuarrine uaidira tanicca inebomaneza pouadeni cacauemanauissa tarrari. Nama quenarraripa ittomeza deni toquerrenauiuarrine touini quenarrari. Naraha deni torrarrariza totaticca bebe appani couanira da iquenarraro. Narrarope rricaca taniccaraha iape Deocca danirri rricaquera tanicca icarriniuarrine dameraqquiri inarraro. Nazama ouape parrimaraniuarrira rroppa onerrerani. Deocca danirri ocarriniuarrine parri rroppa onarini zanaporraro. Pina madirra ittome onihiza poua tesse tezerre do canireza pouama do, zori, do, zori narrarissa onerrerarraro. Ouape Deo Atti madirraza onaparrirenissa tarraro.

Ouime ouaza ibora taniuarrine pina oua odaqquinirrarossa narraro. Deocca danirri bicani carrimanauiuarrine madirra mari ocanabaqquirizaraha oua ouacauanissa terrerezape Deocca danirri bicani zori onerana.

Nazama tiadenipe nauatoqquiri tiquenani: Madirra ittomeza domo toccazapa orraria taide baccotaporrarina deni torrarrari. Narrarina ittome cacauadecca danirri carrirrari. Nezape tiadeni naqui danirri bicani ticarrimananiuarrine rroppa tiquenarri, onarraro.

Nazama arra imecotedeni Zeso Cristoza rrehe quenaraha poccadeni rrehenirri rrapari tarrarodeniza occarizeza naqui pina pouadenirrinessa onanarrarode, Zeso Cristoza toquerrenauissa tauiuarrine oneza. Arri occa uima pina pouadenirrinessa onanani onarrarope arra madirra bazima bodideni acco ocanariza-baqquiuiuarrine. Madirra mota tocassiuauerarra quenauiuarrine touini oneza.