Popular Bible Verses from 1 Corintodeniza 1

Share

Arrirraro zamacca madirrapa madirra ouahadeniza: —Ssamoqquiri naui −quequenanaraha Deopa ssamoqquiri narraridenina icatterrizabaqquirrari. Deo nama narraripa madirra: —Iape iara nauatoqquiri inani −quequenanarrarideni arramani toquerrenauiuarrine. Arrirraro zamacca madirrapa madirra ouahadeniza: —Rrapariqquiri naui −quequenanaraha Deopa rrapariqquiri narraridenina icatterrizabaqquirrari. Deo nama narraripa madirra: —Iape dacoco irrirani −quequenanarrarideni arramani toquerrenauiuarrine.

Narrizoueza toquerrenauiuarrinecca madirrapa aua porimacossaniza Cristo zoqquerrari tauimari mittemanaraha: —Ponimaua −quequenanarrari. Naraha ia Deocca tossiuaueheza iquerrenarrarope narraro uimaza: —Deocca dacoreheua −inarraro.

Deocca nauatouepe pouadeniza pina ponimassa naraha Deocca nauatouena deni torrarraro. Madirracca nauatouepe arrimani. Deo pocca dacorehe naqui pouadeniza pina rrapari tarrarossa naraha pocca dacorehena denima dacorarraro. Madirracca dacorehepe arrimani torrani.

Deopa pocca uatinarra inaparrirenissa zanaporraro. Poua Bedi ia Zozossede Zeso Cristoza tiquerrenaniuarrine titouideni uaua narrari.

Ouimecotedeni, ia Zozossede Zeso Cristo onima tiadeniza uati onana: Timecotedeni tezerre rrehe ticanirere canarri. Tiadenira tiadenira tarizemana-rrerarri, onarraro. Ticcadeni uima bica taniuarrinepe pina ticarronerara caneza Zeso Cristozara tibodideni orrariqquimananissa teza timadimanarri.

Nauatoqquiri narrarideni, mamaridedeni, madirra ouahadeni arrirraro zamacca uima uatide nauatoqquiri narrarideni carri taraha poccadeni nauatouepe deni torraniccaqui? Nouerani. Arrirraro zamacca nauatouepe Deorrine ponima torrarraro.