Popular Bible Verses from Romans 14

Share

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu. Be goai e hai hegau ange gi Klisdo i de lodo nei, e hagamalangilangi de Maadua aama de tuhi i daho dangada.

Noo gidaadeu e mouli, gidaadeu e mouli e hagadubu ai Tagi Maolunga; noo gidaadeu e maakau, gai gidaadeu e maakau e hagadubu ai Tagi Maolunga. Deenei ai, gidaadeu nii Tagi Maolunga e dee hilihili be gidaadeu e mouli be maakau.

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Deenei ai, gidaadeu ga tuu taadeu hagadau hagabaubau; aagai gi baba i odaadeu lodo bolo gidaadeu e dee hai dahi mee e hagabaageaa ai lodo o dahi, aabe gi ahe dua ai dahi oodou daina.

Go hiidinga gu sisi e hai ange, “E hagadaba TAGI MAOLUNGA: au e hagatoo donu i dogu mouli, dangada alodahi e duuduli naa ga ino mai gi de au; dangada alodahi e hagataba naa bolo go au donu de Maadua.”  Deelaa ai, dahi ma dahi e tala ange naa ono dagodo gi de Maadua.

Goodou abodonu ange gi tangada e baageaa i de gai, aagai gi dee hagadaumee i mee e dagodo geegee ai maanadu a dangada.

Gai go koe goai, gai koe ga hagabaubau ai tangada hai hegau o dahi dangada gee? Go dono dangada aamua donu huu e hagamodu ina be ia e duu ma e makaga aabe e deai. Gai ia e duu naa donu ga makaga, i hiidinga Tagi Maolunga e maua i de hai gi duu ia gi makaga.