Popular Bible Verses from Romans 1

Share

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Go hiidinga de longo danuaa e hagaago mai de heohi a de Maadua — go de heohi i de gai, mai i taamada ga dae ai gi de hagaodi, bei de hai gu sisi ai laa, “Tangada heohi e mouli i de gai.”

Gai mai i taamada age de hagadau o henua i lalo, gai dagodo o de Maadua e dee gidee laa (dono sauaa e dee ngado laa ma ono dagodo e hagaagona mai laa bolo ia se Maadua abodonu) gu gidee danuaa i mee aana gu lava i de hai. Deenei ai, gilaadeu e dee maua donu i de hagataba bolo gilaadeu e dee iloo ia.

Go hiidinga gilaadeu gu iloo donu de Maadua, aagai gilaadeu tee hagamahamaha ia be se Maadua, aabe ne hagaahe ange de abodonu gi de ia, aagai alaadeu maanadu gu deai haigamaiana, gai olaadeu lodo gu hagagohu i de llodo senga.

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Aalaa hiidinga a de Maadua ne tili ange ai laa gilaadeu gi haia denga dahulinga hagadookaa. Denga haahine gu dee llodo e hagahebaa ma denga daane, gai gu hagadau dagodo haisala i olaadeu magavaa, gai e bei ai hogi denga daane, gilaadeu gu dee llodo e hagahebaa ma denga haahine, gai gu kona de llodo e hagadau dagodo haisala i olaadeu magavaa, denga daane gu dee dookaa i de hai denga dahulinga hagadookaa madali denga daane ange laa. Deelaa ai, gilaadeu gu kave de hagaduasala e heohi ange laa gi alaadeu dahulinga dee heohi. Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga; gilaadeu gu sui de daumaha ange gi de Maadua e deai laa se magau, gai ga daumaha ange gi denga diinonga e hagadulagi ange laa gi dagodo o dangada e maakau laa, ma denga manu llele, ma manu dolodolo aama manu e tolo laa i honga de gelegele.