Popular Bible Verses from Mark 2

Share

Gai ga langona huu e Iesu muna laa, gai ia ga hai ange gi gilaadeu, “Gilaadeu e mmahi e dee ssala tangada hai magi, gai go gilaadeu e mmagi e saalaa ia. Au tee humai e hagahi gilaadeu e heohi, aagai go gilaadeu e haisala.”

Gai ga gidee huu e Iesu dagodo o olaadeu kai, gai ia ga hai ange gi taane balagelage laa, “Dagu dama, gu maatala oo haisala.”

Gai ia ga hai ange gi gilaadeu, “Sabbath ne hai i hiidinga o tangada, gai tee hai tangada i hiidinga o Sabbath.

Gai ga dee maua huu e gilaadeu i de hulo gi paa ange gi Iesu i hiidinga de soa dangada, gai gilaadeu ga langa tua de hale i honga de mommee oona iai laa, ga hagasege iho taane balagelage laa i honga dono moenga.

Aagai mee nei ne hai gi iloo ai e goodou, bolo Tama a Tangada e dahi ono sauaa i henua i lalo e degi ange ai gi haisala.” Gai ia ga hai ange gi taane balagelage laa, “Au e hai adu gi de goe, hidi age, sabaia doo moenga hannoo gi doo hale!”

Dee hee de mee e hai ngaohie: go de hai ange gi taane balagelage nei, ‘Gu maatala oo haisala,’ aabe go de hai ange, ‘Hidi age sabaia doo moenga ga seesee ai ga hano’?

Gai taane laa ga hidi age i de masavaa laa donu huu ga saabai dono moenga, ga sao ga hano i madamada o dangada alodahi. Gai dangada alodahi gu llele mouli, ga tuhi de Maadua ga hagataba, “Gidaadeu tigi gidee donu dahi hegau bee nei!”