Popular Bible Verses from Mark 14

Share

Gai ia ne hai ange, “Abba, dogu Damana! Koe e maua i de hai mee alodahi. Gaavee gee de ubu nei mai i ogu daha; gai e dee go ogu lodo e hai, aagai go oo lodo.”

Goodou dagitilo ma de dalodalo, gi dee tuu ange ai goodou gi de hagatale. De hagasaalunga e lodo mmao, aagai de angaanga gu baageaa.”

Ni muna abodonu aagu e hai adu nei gi goodou, be go hee naa huu e tala ai de longo danuaa i henua i lalo, aagai e tala ai naa hogi hegau a de hine nei e hagamaanadu ai ia.”

Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagidiiloo ai.”

De masavaa olaadeu e gaimee ai, gai Iesu ga poo mai dahi duudangaa pelaoaa ga dalodalo ga dohidohi ga gaavange gi gilaadeu, ga hai ange, “Gaavee, go dogu angaanga deenei.”

Gai ia ne poo mai hogi de ubu ga dalodalo, gai ia ga gaavange gi gilaadeu; gai gilaadeu alodahi ga unu ai. Gai ia ne hai ange gi gilaadeu, “Go ogu dodo aanei, go dodo o de hagatoo donu hagaheloongoi, ne hagassali laa i hiidinga o dangada soa.

Gai Iesu ne hai ange gi ana dangada agoago, “Goodou alodahi e odi naa donu i de tili au, go hiidinga gu sisi e hai ange, ‘Au e daa naa tangada hagaloosi, gai denga ssiibi e mavaevae saele naa.’

Goodou hiihidi age, gidaadeu ga hulo. Tilo, gu dae mai tangada e gaavange au!”

Iesu ne hai ange gi de ia, “Ni muna abodonu aagu e hai adu nei gi de goe, aaboo nei, i mua de goo o de gaagoo daane i e lua hanonga, gai koe e hagadee iloo naa donu au i e dolu hanonga.”