Popular Bible Verses from Matthew 5

Share

Dangada e dee haula de laama ga haoli ange i lalo dahi bagede, aagai e dugu ange gi honga dono mommee, e hagamaalama ai dangada alodahi i de hale. Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

Go goodou de maalama o henua i lalo. De aduhale e duu i honga de mounga e dee maua i de hagammuni.

E manuuia gilaadeu e gilimalali olaadeu lodo; go gilaadeu e gidee de Maadua!

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

E manuuia gilaadeu e vaivai haia i hiidinga o de mee heohi; niiolaadeu de nohoanga hodooligi o de langi!

E manuuia gilaadeu e llodo aaloha; gilaadeu e kave naa hogi de lodo aloha!

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga. Goodou llodo danuaa ma de malangilangi, go hiidinga e laumalie doodou hagaoanga i de langi. Gilaadeu ne vaivai hai donu hogi denga pelaabisi i mua.

E manuuia gilaadeu e daudonu; go gilaadeu e henua i henua i lalo!

“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.

Deenei ai, goodou gi heohi abodonu, bei doodou Damana i de langi ia e heohi abodonu.

Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.

“Goodou gu langona bolo gu tala e hai ange, ‘De ganomada e sui ange i de ganomada, gai de niho e sui ange i de niho.’  Aagai au e hai adu gi goodou, goodou aude suuia ange hegau a tangada baubau, aagai noo dahi dangada e hagaili doo galaahuu madau, gai koe huli ange doo galaahuu ange laa gi de ia.

Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi. Aagai noo doo lima madau gu hagahaisala goe, aagai koe duudia dilia. E danuaa ange de tili dahi oo lima, i de maga ange doo angaanga alodahi gi lo te ahi.