Popular Bible Verses from Matthew 24

Share

Gai e deai naa se aloha i daho dangada soa, i hiidinga de laumalie de baubau. Aagai tangada naa huu e lodo mmahi ga dae ai gi de hagaodi, gai ia e hagamouli.

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee. Gai mee nei e bei naa donu taamada de hai hagalangona o de hine gu dai haanau laa.

De langi ma henua i lalo e llilo naa donu, aagai agu muna e dee llilo donu.

Gai e soa naa dangada e loomai i dogu ingoo, ga hai adu, ‘Go au go de Klisdo,’ gai gilaadeu e daahanga naa dangada soa.

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo. Gai e soa naa dangada e daahuli gee i de laangi laa, ma de hagadau hagabaubau aama de hagadau kino. E soa naa hogi pelaabisi hadu muna e loomai ga daahanga dangada soa.

Iesu ne hai ange gi gilaadeu, “Goodou dagitilo gi dee daahangadia goodou.

Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.

Deenei ai, goodou dagitilo, go hiidinga goodou e dee iloo de laangi o doodou Dagi Maolunga e humai ai.

“E deai donu se dangada e iloo de laangi aabe go de aoaa laa; e deai hogi dangada de langi e iloo, Tama e dee iloo hogi e ia, aagai go Tamana donu huu e iloo.

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

De ahe mai o Tama a Tangada e bei naa dagodo laangi o Noah. Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale. Gai gilaadeu tee angahia donu de humai o tolona ga kave gee gilaadeu alodahi. Aagai e bei ai naa hogi de humai o Tama a Tangada.