Popular Bible Verses from Matthew 10

Share

“Tilo, au e hai goodou gi hulo bei dagodo o denga ssiibi i magavaa o denga wolf . Deenei ai, goodou gi heiangi bei denga labodo, gai gi daudonu bei dagodo o denga manu kono.

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Be goai e dee hagauda ina dono laagau lui e daudali mai ai i de au, gai ia e dee bau ange gi de hagabinga bolo se dangada niiogu.

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi. Aagai be goai e hagadee iloo ina au i madamada o dangada, gai au e hagadee iloo naa hogi ia i mada luu mada o dogu Damana i de langi.

Gai goodou ga hagaieiangi magi, ga hagamouli age gilaadeu gu maakau, ma de hagaieiangi denga lebelaa, ma de hai gi hulo denga hagasaalunga baubau. Goodou tee hagao mee gu gaavadu naa gi goodou, deenei ai, goodou ngadi gaavange hogi gi dangada.

Deenei ai, goodou gi dee maatagu, i hiidinga goodou e hagamogomogo ange i denga sparrow lagolago.

“Goodou aude maanadu bolo au ne humai e gaamai de baba gi henua i lalo. Au tee humai e gaamai de baba, aagai go de gadilaasa.