Popular Bible Verses from Acts 17

Share

gai gilaadeu ga ssala ai de Maadua, agu made gilaadeu e maua i de ssala ga gidee ia. Aagai ia e dee mmao gee donu mai i dahi gidaadeu.

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai

De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada.