Popular Bible Verses from Mi Nɔnɔle 14

Share

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Dé Gakelebale bɔ ko va, é dan go lɛ ko nya tɛrɛ ’ko ta, yé é dan a nɔ lɛ ko lɛ; é a tɛrɛ nyɔnɔzan nya.

Naa, an wuozan Kalɛb gi bli a é yɛrama, yé é tawo anlé zi ta tegele, amalé tɛrɛ lé é go a ta, maa dan a nyana lɛ ’bɛna, yé é dan kɛlɛ lɛ a kulunu zé nya.

Bé fe wo lɛ léé: Gakelebale léma: ’é a é yuɛma; ka ’é ma we ble ’é tɔné gi fɛan zo bɛ, ’é dan a kɛlɛ lɛ ka lɛ a zo.

Yé Gakelebale lé Moizi lɛ léé: Munu ’ko, wo dan daan lɛ wo yuɛ vɔle ma an zi mɛ bléyi vaa? Naa, maa we blɛnblɛn faa kɛlɛ wo méléna, mɛ bléyi va lé wo dan wo bli vo lɛ an lɛɛ?

Izraɛlnu faa kun weblele ma Moizi valé Arɔn va, yé zén‐ékevamunu faa lé Moizinu lɛ léé: Dé ko ga kɔɔn Éjipiti tɛrɛ la, ’té ’bɛ a é zima. Yé dé ko ga kɔɔn bwi ’ko la, ’té ’bɛ a é zima.

Munu lé wo go tɛrɛ nagini lɛ, wo va munu lé wo ’wolé varɔ fia, Nɛn be Jozué valé Jéfuné be Kalɛb lé. Yé wo we fe Izraɛlnu faa lé wo zén ékeva, wo lɛ, yé wo léé: Tɛrɛ lé ko gié a naginile nya, é a tɛrɛ zin baba nya.

Naa, maa a é yuɛma, yé maa Gakelebale lé fuasan é dan tɛrɛ faa fan lɛ. Munu faa ’ko, wo anlé fuasan ye, é valé we blɛnblɛnnu lé maa a kɛlɛ Éjipiti tɛrɛ la valé bwi gi, wa ye; yé wo an gi dan tɛkɛ gɔnɔ vu, ’té wo ’ka ’wo tɔné dɔa an dére lɛ lo; munu faa ’ko, tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, wo va mi do kpen ’ka dan tɛrɛ ’ko ye lɛ monomono lo. Wo yuɛ vɔ an zi, amalé wo va mi do kpen ’ka dan a ye lɛ lo.