Popular Bible Verses from 2 Tɛsalɔnik munu 2

Share

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ, ’wo ka tɔrɔ paa yé ’wo plɛplɛ nɔ ka lɛ nyanama zin faa pale valé dére zin faa fele we ma.

Amalé Kazambale é dan wo ta pɔné vo lɛ brɔkɔɔ, wo bli vole viéwe lɛ we ma

Bale lé zi ma wenyané fezan ’ko bɔrale a Satan lé nyanama nya, yé gyɛzorowenu gɔnɔ faa koo, tɔmasenu koo, viéwe blɛnblɛnnu koo, dabliwe ple faa koo, é dan wo kɛlɛ lɛ. Webozen lɔrɔ lé éé mi sié we gi, é ’ka munu ma lo, amalé we ’konu é dan bɔ lɛ woo munu lé wo ke zamaga wona, wo ma.

Yé mi ple a élé nyanama pana tɛkɛ, naa, é a pana kyeen gi fɔɔ yé mi lé ’bɛ a bɔrale yi ga, yé ’bɛ é si ana.