Popular Bible Verses from Römer 8

Share

Mar wü wēt, dat danen, diär Gott lew hå, alle Dinge tine tö jar Bästen, diär Gott röpen hēd eter sin Voarnemmen.

For ik sen er wes üp, dat nogweder Doad, of Lewent, nogweder Engel, of Obrigheid, of Gewalt, nogweder ön dös Tid, of ön di Tökomst. Nogweder dit Hōgs, of dit Ligs, nog en Üder Kreatur kjen üs skäd van Gottes Lēwde, diär ön Kristus Jesus es.

Alliksa komt di Geist üs Swakheid tö Help. For wü wēt ek, om wat wü bed skeld, üs-t hjert, mar di Geist bed foar üs me Sikken, diär ek üttöspreken sen.

Wat skel wü hjirtö si? Es Gott foar üs, hokken kjen da tögen üs wis?

Sa es er nü nin Fordamnis ön danen, diär ön Kristus Jesus sen, diär ek eter dit Flēsk, mar eter di Geist wandele.

Eter dit Flēsk sennet wis, dit es di Doad; mar geistelk sennet wis, dit es Lewent en Frēd.

Mar ön al dit aurwen wü jit moar, om sin wel, diär üs lew hed.

For ik hoald-t diärfoar, dat di Liden ön dos Tid ek tö agten sen tögen di Herligheid, welk ön üs ipenbåret ud skel.

Hokken kjen üs skäd van Gottes Lēwde? Bedrüwwetheid? Of Ungst? Of Forfölging? Of Hunger? Of Nåkenheid? Of Fårligheid? Of Swärt?

Mar di, diär di Harten ütgründigt, wēt, wat di Geist sin Mining es, för hi bed foar di Helligen eter Gottes Wel.

For danen, welk van Gottes Geist sik leite let, sen Gottes Biärner.

For danen, diär eter dit Flēsk lewwe, ja sen uk sens eter dit Flēsk; mar danen, diär geistlik sen, ja betänk dit eter di Geist.

Hi, diär sin ein Seen ek forskoanigt hed, mar hed höm foar üs al heniwen, hur skuld hi üs me höm ek alle Dinge skänk.

Disalwige Geist jewt üs Geist en Tjügnis, dat wü Gottes Biärner sen. Sen wü da Biärner, da sen wü uk Arwing, nämelk Gottes Arwing, en Kristus sin Mearwing; wan wü me höm Iid, omdat wü uk me höm tö di Herligheid aphewen ud.

For eter dit Flēsk sennet wis, dit es Findskep tögen Gott, aurdat et Gottes Wet ek önderdån es, för hat formai dit uk ek.

For di Kreatur tēwt diärüp, dat sin Längen tö folling komt foar Gottes Biärner.

For wü wēt, dat di hile Skafning längt me üs, en sükket en smagtet stidigs.