Popular Bible Verses from Ipenbaring 3

Share

Betänk, ik stun voar di Dür, en bokke ön. Wan er hokken min Stem hjert, en måket di Dür ipen, tö di wel ik ingung, en dit Någdert me höm hoald, en hi me mi.

Ik wet din Werken, dat dü nogweder kul, of warm best. Diärom aurdat dü li best, en nogweder kul of warm, wel ik di ütspütte üt min Müd.

Hokken ik lew ha, di strawe en tügt ik. Sa wis nü flitig en bekir di.

Ik wet din Werken. Se, ik hå en ipen Dür foar di maket, en Nemmen kjen-s töslüt, for dü hēst ek vul Kraft, en hest min Urd behölden, en hest min Nom ek forlögnet.

Hokken aurwent, höm wel ik Forlow iw, üp min Stöl tö setten, üs ik aurwonnen ha, en hå seten me min Vader üp sin Trōn.

Dü sprakst: Ik sen rik, en ha rogt sat, en mi wånt nont; en dü wētst ek, dat dü elendig en jammerlik, ârem, blindj en bloat best.

Aurdat dü dit Urd van min Geduld behölden hēst, wel ik di uk behoald voar di Stünd ön di Forsjuk, welk kom skel aur di hile Warld, om danen tö forsjukken, welk üp di Örd une.

Betänk, ik kom gau. Hoald, wat dü hēst, omdat Nemmen din Krōn nemt.

Wis wakker, en forstark dit, wat er aur es, wat sterrew wel; for ik hå din Werken ek foar vol fünden voar Gott.