Popular Bible Verses from Jakobus 1

Share

Min lew Brödhern! agt et foar lutter Frügged, wan I ön vulerlei Önfegtninger fål. En wet, dat ju Glow, wan di rogtskaffen es, Geduld wirket.

Mar wan er hokken mung ju Wisheid wånt, di bed van Gott, diär mild arkjen jewt, en forwit höm nöndt; da skelt höm iwen ud.

Diärom min lew Brödhern, ark Mensk wis gau tö hiren, mar lungsem tö spreken, en lungsem tö Fortörning.

Mar di Geduld skel bestandig bliw bit tö Jend, omdat I volkommen sen en nin Wånt hå.

En I mut et dör di Dåd bewise, dat I ek alining sokken sen diär hir, omdat I ju ek sallew bedrai.

Selig es di Man, diär di Önfegting me Geduld üthalt, for eter dat hi di Prōw üthölden hēd, skel hi di Lewentskron fo, welk Gott dânen löwet hed, diär höm lew hå.

Alle gud Gåwen, en alle voarskel Gåwen kom van bowen djäl, van di Våder ön-t Lägt, bi höm es nin Forandering, nog Weksel van Lägt en Junkens.

For wan er hokken bloat en Hirer van dit Urd es, en nin Däder, di es allik üs en Man, diär sin liflik Ansegt ön en Speil beskauet. For eter dat hi sik beskauet hēd, geid hi metjens diärvan, en aurjät, hurdelling hi Ütsåg.

En rin Gottestinst sönder Solligheid voar üs Herr Gott en Våder es di, di Wesenjungen en Inkewüffen ön jår Bedrüwwing besjuk, en sik fri voar Skand voar di Warld wise.

Nemmen si, wan hi üp di Prōw stelt ud, dat hi van Gott forsjukt ud. For Gott es nin Forsjukker tö wat Arigs, hi forsjukt Nemmen. Mar Ark ud forsjukt, wan hi van sin ein Wellest forlokket en henrewwen ud.

Mar en Brödher, diär nedrig es, rume sik ön sin Hōgde.